ISA LANG ANG MASASABI KO NGAYON!!!!!!!

isang DUMADAGUNDONG NAHHHHHHHHHHHHHH!

" KUNG AYAW NG PROTEKSIYON, TANGGALIN ANG SHIELD"

Isang kasabihan di ko malilimutan ngayong araw. ISang kasabihang magpapalawak ng aking isipan sa pag-intindi sa mga bagay na dapat intindihin kahit kasuklam suklam intindihin.

Mayroon talagang Monstrous Pride, ALL ME DEFENSIVE at Locked Closet view.   Mayroon talagang kailangang mabato, mapukpok ng maraming beses para matuto. 

Lahat ng naturan ko- prosesong masakit. Pero bakit ba kailangan ng prosesong ganyan? TIngnan natin- kung ang bato at buhangin di masala ng wasto, di mawasak ng wasto, paano makabubuo ng bahay? may mga bagay na kawasak wasak ng damdamin, ngunit ang resulta pala ay may mas malaking rason. May mga paraan naman daw na di masyado masakit-- pero naisip ko baka naman mahilaw ang leksyon na dapat matutunan ng gaya nating mortal.

Sa pag-iisip ko ngayong madaling araw, nalaman ko na hindi lahat ng magandang intensyon ay magandang unawain sa mga magagandang paratingan. Hindi lahat ng may magandang hangarin ay naiintindihan. Ang sabi ang nanay daw, masakit magbunganga kapag tama ang sinasabi, paano'y ang tanging nagpapakasakit lang naman sa kanyang mga winiwika ay ang pride at ego ng isang tao. Siya ang harang sa totoong mensahe ng pagbubunganga-- PAGMAMAHAL SA TAMANG PAGWAWASTO!

Iba ata ang pagwawasto sa paghuhusga? Ang paghuhusga ay iyong tipong wala ka man lang kalaban laban sa mga panang itunurok sa iyong likuran. Tipong, sentensyado ka na, ni hindi man lang tiningnan ang ebidensya. Iyong tipong wasak ka na, di ka na makakaahon pa. Ang pagwawasto, ay ang tipong may nakita kang mali at para sa kapakanan ng kasama mo, sasabihin mo ito nang buong tapang dahil ayaw mo siyang mapariwara, kahit pa mapahamak ka sa pagsasabi nito. Ang pagwawasto ay pagmamahal.

Para sa akin sa ating komunidad ito ang aspetong gusto ko. Ito kasi ang paraan upang mahasa ang puso natin. Hasain siya nang husto sa pagpapagal at sakripisyo. sa pagtanggap ng kamalian at pagtanggap ng kapatawaran. Ito ang sangkap upang maging brilyanteng makinang ang puso at hindi isang pipitsuging bato.

Ang pagmamahal ay hindi lamang laging pagpuri-- ito ay pagtama sa mali. Ang pagmamahal ay hindi lamang lagi sa sarili ibibigay, kundi sa lahat ng taong nangangailangan.

MATUTO NAWA TAYONG LAHAT na magmahal ng tama.... may pagpupunyagi sa pag-unawa at pagtanggap sa mga naganap na....

ISANG MAGANDANG MADALING ARAW!