Trahedya « lihim ng kwerdas

Saturday, August 29, 2009

Trahedya

Dumadagundong
ang paligid
nang pagbuksan ko
ang aking bintana

Ang lakas ng ulan
ay sumusuot sa
mumunting pintuang
kahoy.

Nagngangalit ang hanging
kayang itaboy
ang bubungang sawali

Niyakap ko
isa isa ang aking
mga anak....
na parang mga basang inakay
sa lundayang payak

Naglalagasan na ang
kawayan naming sahig
at humahangos
ang bakod na buho
sa bilis ng ipu-ipo.

saglit lang
nangyari ang lahat
saglit lang
ang trahedyang nambulalas
ng kanyang lakas

saglit lang ang higante
ng natural na proseso
ng panahon
saglit lang kumpara
sa pagpapabaya natin
ngayon.

Niyakap ko ang aking mga anak
na basang inakay
na nawalan ng malay..
kung noong una palang
tinuran ko na silang
lumipad, mahalin ang paligid
at lupang sapat

disin sana'y walang
ganitong
pangyayaring kahabag-habag
walang dalita, sakit
at pagkawasak

wala sana kung
panawagan ng
inang kalikasan
ay dininig naming agad!

Posted at 10:17 pm by sidhi

Leave a Comment:

Name

Homepage (optional)

Comments

Home

sidhi
May 3rd 1982 (Age 27)
Female
Philippines
lihim ng kwerdas kapag ang saliw niya'y parang batingaw/ ng kampanang hudyat ng pag-asa/ kapag ang pagkalabit sa kanya'y mahinhin/ parang dalaga sa hardin kapag ang tunog niya'y buo at nangungusap ng mga/ puso at himig niya totoo/ ang kwerdas ay ako/ at walang ikukubli/ sa mundo..../



Message

unti-unti ko nang iniintindi ang pagsibol ay katumbas ng taglagas upang sumuong sa bagong bukas... kailangang magbawas ng mga dala-dalahing katumbas na dasal-dasalin sa paglakbay sa paghakbang tanging hangad ay laging tagumpay..

Contact Me